रौतहट । रौतहट क्षेत्र नं. ३ मा राष्ट्रिय स्वतन्त्र पार्टी (रास्वपा)का उम्मेदवार धीरज पटेल विजयी भएका छन्। औपचारिक घोषणा हुन बाँकी रहँदा पनि कटहरिया मा.वि. बाहिर समर्थक तथा युवाहरुले उत्साहका साथ खुशीयाली मनाइरहेका छन्।
देशभर चलेको घण्टी चिन्हको लहरका कारण रौतहट–३ मा यसपटक नयाँ इतिहास बनेको छ। २०६४ सालदेखि लगातार जित्दै आएका प्रभु साह यसपटक पराजित भएका छन्।
घण्टी चिन्हबाट उम्मेदवार बनेका धीरज पटेल विजयी हुँदा जनता समाजवादी पार्टी (जसपा) नेपालका गोविन्द चौधरी दोस्रो स्थानमा रहेका छन्। यता, लामो समयदेखि उक्त क्षेत्रमा प्रभाव कायम गर्दै आएका प्रभु साह भने तेस्रो स्थानमा सीमित भएका छन्।
रौतहट–३ को नतिजाले स्थानीय राजनीतिमा ठूलो परिवर्तनको संकेत गरेको विश्लेषण भइरहेको छ।
