गौर । मोनास्टिक इन्टरनेशनल एकेडेमी, गौरले सरस्वती पूजाको अवसरमा आयोजना गरेको ग्रान्ड कल्चरल प्रोग्राम २०८२ भव्य रूपमा सम्पन्न भएको छ।
कार्यक्रममा विद्यार्थीहरूले प्रस्तुत गरेका विविध सांस्कृतिक प्रस्तुतीहरूले उपस्थित दर्शकहरूको मन जितेको थियो। विद्यालयको आयोजनामा सम्पन्न कार्यक्रममा अभिभावक, विद्यार्थी तथा सर्वसाधारणको उल्लेख्य उपस्थिति रहेको थियो।
शिक्षा र संस्कृतिको समन्वय गर्ने उद्देश्यले कार्यक्रम आयोजना गरिएको विद्यालयले जनाएको छ।
कार्यक्रममा रौतहटका वरिष्ठ पत्रकार शैलेन्द्र गुप्ता प्रमुख अतिथिका रूपमा उपस्थित रहनु भएको थियो। सो अवसरमा पत्रकारिता क्षेत्रमा योगदान पुर्याएका सञ्चारकर्मीहरूलाई प्रमाणपत्रसहित सम्मान गरिएको थियो।
सम्मानित हुने पत्रकारहरूमा गौतम श्रेष्ठ, सञ्जय सहनी, राकेश कुमार यादव, दिलिप पाण्डे, सत्येन्द्रप्रताप सिंह, सोनुकुमार महतो, चन्दन महतो, श्रीकान्त यादव, राधेश्याम साहलगायत दर्जनौँ पत्रकारहरू रहेका छन्।
आयोजकका अनुसार शिक्षा, पत्रकारिता तथा समाजसेवामा योगदान पुर्याउने व्यक्तिहरूको सम्मानले स्थानीय सञ्चारकर्मीहरूको मनोबल अझ बढ्ने विश्वास लिइएको छ।
