रौतहटको दुर्गा भगवती गाउँपालिकामा गएराति स्यालको टोकाइबाट ५ जना घाइते भएका छन्।
बिहीबार राति पैदल हिँडिरहेका मानिसमाथि एक्कासी बौलाहा स्यालले आक्रमण गर्दा दुर्गा भगवती गाउँपालिका–२ र ३ का स्थानीय बासिन्दा घाइते भएका हुन्।
घाइते सबैलाई आज शुक्रबार प्रादेशिक अस्पताल गौरमा एन्टि रेबिज भ्याक्सिनका लागि पठाइएको छ।
यसअघि दुई दिनअघि गढीमाई नगरपालिकामा बौलाहा कुकुरको टोकाइबाट करिब ५० जना बालबालिका र वृद्धवृद्धा घाइते भएका थिए।
चिसो मौसम र हुस्सु लाग्ने समयमा स्याल र कुकुरजस्ता जनावरको आक्रमणको जोखिम बढ्ने भएकाले सतर्कता अपनाउन स्थानीय प्रशासनले आग्रह गरेको छ।
