काठमाडौं – बङ्गलादेश प्रिमियर लिग (बीपीएल) अन्तर्गत आइतबार नेपाली लेग स्पिनर सन्दीप लामिछाने आबद्ध राजशी वारियर्सले रंगपुर राइडर्ससँग प्रतिस्पर्धा गर्दैछ। खेल दिउँसो १२:४५ बजे सुरु हुनेछ।
राजशीले हालसम्म ६ खेल खेल्दा ४ जित र २ हारसहित ८ अंक जोडेको छ र तालिकाको चौथो स्थानमा छ। समान खेल खेलेको रंगपुरको पनि ८ अंक नै छ, तर राम्रो रनरेटका कारण रंगपुर दोस्रो स्थानमा रहेको छ।
सन्दीपले यस सिजन तीन खेलमा प्लेइङ–११ मा अवसर पाउँदा चार विकेट लिएका छन्। यद्यपि आजको खेलमा उनी प्लेइङ–११ मा पर्ने वा नपर्ने भन्ने अझै निश्चित भइसकेको छैन। सुरुआती खेलमा प्राथमिक रोजाइमा रहेका सन्दीप पछिल्ला केही खेलमा भने अन्तिम ११ मा समेटिन सकेका छैनन्।
